«madina a’zam» tegli maqolalar
“Terim — biz uchun prezident archasidek gap”. Paxta dalasidan reportaj
Bekobod yaqinidagi Avangard — qahramonlar qishlog‘i. Unda yarim tunda terimga chiquvchi otaxonlar, o‘g‘lidan yashirincha paxta teruvchi onaxonlar, terimga ham, uy ishlariga ham birdek ulguruvchi superkelinchaklar va hammasiga bosh-qosh “Temir xotin” bor. “Gazeta.uz” ularning turmushi va orzu-umidlari bilan tanishdi.
Sultonhovuz va Sirdaryoga sayohat. Barchaga beminnat rizq ulashuvchi makon manzaralari
Taniqli fotograf Husniddin Ato shogirdlari bilan tez-tez safarga chiqadi. Ustoz 2023-yil yozida Madina A’zam, Murod Yusuf, Farangiz Kamolova, Kamron Hasanov bilan birga Sultonhovuz ko‘li va uning yaqinidan oqib o‘tuvchi Sirdaryoga sayohat qilgandi. Quyida — sayohat davomida olingan suratlardan namunalar.
Qishloqlarda Yangi yil qanday kutib olindi?
Qishloqdagi Yangi yil shahardagi, ayniqsa poytaxtdagi bayramga o‘xshamaydi. Unda archa atrofida sayl, konsert degan narsalar yo‘q. “Gazeta.uz” muxbirlari Madina A’zam va Xolida Musulmon 2024-yilni Andijon va Jizzaxdagi qadrdon qishloqlarida kutib oldi va qishloqdagi bayram tarovatini kadrlarga muhrladi.
Test: Toshkentdagi tuman hokimliklarining binolarini taniysizmi?
Toshkentni qanchalik yaxshi bilasiz? Masalan, Toshkentdagi har bir tuman hokimligini binosiga qarab ajrata olasizmi? “Gazeta.uz”ning navbatdagi testi — shu haqda.
Sentobga sayohat: Jahondagi eng yaxshi turizm qishloqlaridan birida nimalar hayratga soladi?
O‘zbekistonda hozirda beshta turizm qishlog‘i bor: Konigil va Bog‘i Baland, Ovjazsoy va Ertoshsoy, Sentob. 2023-yil oktabrida Sentob jahondagi eng yaxshi turizm qishloqlaridan biri deb e’lon qilindi. “Gazeta.uz” jurnalistlari Nurotada bo‘lib, bu qishloq nimalari bilan hayratga solishini o‘rganib qaytdi.
O‘zbekistonda kuz — “Gazeta.uz” muxbirlari nigohida
“Gazeta.uz” muxbirlari Madina A’zam, Shohruh Haydarov va Yevgeniy Sorochin fotokameralari obyektiviga O‘zbekistondagi kuz manzaralarini muhrladi. Fotoreportaj.
Sergelidagi portlash oqibatlari — suratlarda
Payshanba tongi barchani larzaga solgan Sergelidagi portlash haqidagi xabarlar bilan boshlandi. Omborxonadagi chaqnash oqibatida ko‘plab uylar va tijorat binolariga zarar yetdi, 160 dan ortiq fuqaro jarohatlandi, 16 yoshli bola vafot etdi. “Gazeta.uz” muxbiri Madina A’zam ushbu hududdan fotoreportaj tayyorladi.
Foto: O‘zbekistonda yangi o‘quv yili boshlandi
O‘zbekistondagi barcha maktablar va oliy ta’lim muassasalarida o‘qish boshlandi. 4-sentabr tongida Toshkent ko‘chalari yanada gavjumlashdi, tirbandliklar ko‘payib, jamoat transportlari yo‘lovchilarga to‘ldi, maktablarda birinchi qo‘ng‘iroq chalindi, talabalar esa darsga otlanishdi. “Gazeta.uz” fotoreportaji.
Sudochye — qamishlar, chinklar, qushlar makoni. Bir vaqtlar sohilida yuzlab odamlar yashagan, hozir esa millionlab qushlarga qo‘nalg‘a vazifasini bajaruvchi ko‘ldan reportaj
Nukusdan taxminan 150 km uzoqlikda, Mo‘ynoq tumanida, mahalliy aholi “Suvi duchchi” (o‘zbekchasiga “suvi chuchuk”) deb atagan, xaritalarga Sudochye nomi bilan kiritilgan ko‘llar tizimi bor. U yerga boradigan to‘g‘ri va tekis yo‘l yo‘q, shu bois masofani bosib o‘tishga 4 soatcha vaqt ketadi. “Gazeta.uz” reportaji.
“Kelmagan bir prezident qoldi, xolos”. Internet yulduziga aylangan va 45 yildan beri gazli suv sotuvchi Abduvosit ota hikoyasi
Toshkentning 8-mart, Mehrjon va Surxon ko‘chalari kesishmasi yaqinida, katta bir daraxt soyasida moviy bir budka bor. Ba’zida uning oldida ulkan navbatlar paydo bo‘ladi. Bu yerda 30 yildan beri olmoslik Abduvosit Mahmudov qiyomli gaz-suv sotadi. “Gazeta.uz” 75 yoshli otaxonning hikoyasini havola qiladi.
Eksportbop toshbaqalar saltanati. Yevropaga sotiladigan toshbaqalar Zangiotada qanday qilib ko‘paytirilmoqda?
O‘zbekiston har yili o‘n minglab toshbaqa eksport qiladi. Ko‘pchilik bu toshbaqalar tabiat bag‘ridan yulib olinadi, deb o‘ylaydi. Afsuski, shunday kontrabandachilar ham yo‘q emas. Ammo toshbaqalarni pitomnikda ko‘paytiradiganlar ham bor. “Gazeta.uz” toshbaqalar tutqunlikda qanday ko‘paytirilishi haqida hikoya qiladi.
Video, foto: O‘zbekiston Havo floti kuni munosabati bilan aviashou bo‘lib o‘tdi
O‘zbekiston Havo floti kuni munosabati bilan “Chirchiq” poligonida aviashou bo‘lib o‘tdi. Jangovar va harbiy samolyotlar hamda vertolyotlar uchuvchilari o‘z mahoratlarini namoyish etdi. Shou doirasida ilk bor samolyotlar O‘zbekiston bayrog‘ini “osmonga chizishdi”. “Gazeta.uz” fotoreportaji.
Video, foto: OTMlarga kirish test sinovlari
1-avgust erta tongdan talabalar qatoridan joy olishga oshiqqan abituriyentlar OTMlarga kirish uchun test sinovlaridan o‘tishni boshladi. “Gazeta.uz” muxbirlari poytaxtdagi imtihon olinayotgan ikkita hududdan fotoreportaj tayyorladi. Video, foto.
Chegaradagi dengiz
Beruniy yashagan davrlarda uning nomi “Qiz dengizi” edi. Dengizdan kam joyi yo‘q — uzunligi 100−120 (taxminan Toshkentdan Gulistongacha bo‘lgan masofa), eni 30−40 km atrofida, bu qirg‘og‘idan narigisi ko‘rinmaydi. Asrlar bo‘yi necha bor qurib, so‘ng yana suvga to‘lgan bu joy hozir shunday ataladi — Sariqamish.
“Vals, ko‘zlardagi yosh, katta hayotga ilk qadam”. Maktablarda so‘nggi qo‘ng‘iroq chalindi
25-may kuni O‘zbekistondagi 10 mingdan ko‘proq maktabda jami 392 ming o‘quvchi uchun qo‘ng‘iroq oxirgi marta chalindi. Qadrdon do‘stlar va ustozlar bilan xayrlashuv, konsert, vals, ko‘zlardagi yosh — “Gazeta.uz” maktablardagi so‘nggi kundan fotoreportaj tayyorladi.
Jilovlangan vaqt. Mutaxassisligi bo‘yicha avtochilangar va qismatiga ko‘ra soatsoz bo‘lgan A’zamxon Nabiyev hikoyasi
A’zamxon Nabiyev soatlarni 20 yildan beri to‘playdi. Uning kolleksiyasida 200 dan ortiq soat namunasi bor. Ularning ayrimlari vaqtni ko‘rsata boshlaganiga yuz yildan oshgan. “Gazeta.uz” noodatiy ustaxonada bo‘lib, soatsoz bilan uning kolleksiyasi, eski soatlarni sozlash va ularning bahosi haqida suhbatlashdi.
Foto: O‘zbekistonliklarning Ikkinchi Jahon urushidagi ishtirokiga bag‘ishlangan ko‘rgazma
O‘zbekiston tarixi muzeyida o‘zbekistonliklar SSSRning Ikkinchi Jahon urushidagi g‘alabasiga qo‘shgan hissasiga bag‘ishlangan ko‘rgazma ochildi. Unda o‘nlab arxiv suratlari, sovet plakat san’atining namunalari namoyishga qo‘yilgan, shuningdek, “Askar maktublari” kitobi taqdim etilgan.
Sport va hordiq kanali. Toshkent baydarkachilari — mashg‘ulotlar hamda suzish joylari yetishmovchiligi haqida
Baydarka va kanoeda eshkak eshuvchilar har kuni Anhorni bir necha bor suzib o‘tadi. Bu sportchilar Minor qabristoni yaqinidagi bazada shug‘ullanadi. “Gazeta.uz” ular bilan mashg‘ulotlar, eshkak eshishga muhabbat, bu sport turining Toshkentdagi istiqboli va suvdagi hordiq uchun joy yetishmasligi haqida suhbatlashdi.
Foto: Hayot haqida hikoya qiluvchi qo‘llar
Qo‘llar insonning mavqei va mashaqqatlaridan hikoya qiladi. Kaftlardagi chizig‘u yoriqlar, dog‘u chandiqlar kishilarning turmushi, kasb-koridan darak beradi. “Gazeta.uz” fotomuxbiri Madina A’zam mana shunday qo‘llarning “gapiruvchi suratlari"ni bir sahifaga jamladi.
Foto: Bahor darakchilari
O‘zbekistonda — bahor va “har bahorda shu bo‘lar takror”: o‘riklar (va nafaqat o‘riklar) gullagan, yam-yashil o‘tloqlarda momaqaymoqlar sap-sariq bo‘lib bo‘y cho‘zgan, ularning ustida esa qishki uyqudan uyg‘ongan tabiat ramzi o‘laroq xonqizilarni ko‘rasiz. “Gazeta.uz"dan bahoriy fotojamlanma.
Eng ko‘p o‘qilgan xabarlar | So‘nggi yangiliklar
- O‘zbekistonda 17−23-fevral kunlari ob-havo qanday bo‘ladi? “Gazeta.uz” sharhi
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Hafta davomida harorat +20 darajagacha ko‘tariladi
- Sirdaryoda o‘qituvchini kaltaklagan ayol ruhiy kasalliklar shifoxonasiga joylashtirildi (1)
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
Qo‘shimcha imkoniyatlardan foydalanish uchun saytda ro‘yxatdan o‘ting